~*~ Kabhi Ghum Ki Aag Main ~*~
Kabhi Ghum Ki Aag Main Jal Uthe
Kabhi Dil ka Dagh Jala Dia
Ay Janoon-e-Ishq Bata Zara
Mujhe Kyun Tamasha Bana Dia
Gham-e-Ishq Kitna Ajeeb Hai
Ye Janoon Se Kitna Qareeb Hai
Kabhi Ashk Palkon Pay Ruk Gaye
Kabhi Main Ne Darya Baha Dia
Mera Jazba-e-Shoq To Dekhiye
Meri Bandgi Hai Wo Bandgi
Jahan Tera Naqsh-e-Qadam Mila
Wahin Kaabar Main Ne Bana Dia
~* Manzil na de charaaG na de *~
Manzil na de charaaG na de
hausalaa to de
tinke kaa hii sahii tu magar
aasaraa to de
mai.n ne ye kab kahaa ke
mere haq me.n ho javaab
lekin Khaamosh kyuu.N hai
tuu ko_ii faisalaa to de
baraso.n mai.n tere naam pe
khaataa rahaa fareb
mere Khudaa kahaa.N hai
tuu apanaa pataa to de
beshak mere nasiib pe
rakh apanaa iKhtiyaar
lekin mere nasiib me.n
kyaa hai bataa to de ..!!
~ UnKnown ~
~* Labzon Ke Azaab *~
Labzon Ke Azaab Sahe Rahi Hoon,
Main Apne Wajood Ki Saza Hoon,
Zakhmon Ke Phool Khil Rahe Hai,
Khushbu Ke Hajoom Mein Khadi Hoon,
Is Dasht-E-Talab Mein Ek Main Hi,
Sadiyon Ki Thaki Hui Sada Hoon,
Benaam-O-Numood Zindagi Ka,
Ek Bojh Uthaye Phir Rahi Hoon,
Ek Aisa Chaman Hai Jiski Khushbu,
Saanson Mein Basaye Phir Rahi Hoon,
Ek Aisi Zameen Hai Jisko Chhu Kar,
Takdees-E-Haram Se Aaashna Hoon,
Main Tere Kareeb Aate Aate,
Kuch Aur Bhi Door Ho Gayi Hoon…
Written By Sagar
~* Zindagi se hum kuch yun mile *~
Zindagi se hum kuch yun mile
Jiase paani me uthte hain bulbule
Kabhi khamosh samandar
ki tarha the hum
To kabhi masoom bacche
ki tarha chulbule
Mile nahin hum kabhi
rahaton ke saye se
Dard apna raha ya gair ka
tanhaiyon me rote hue
bechaniyon ko hum mile
Ab intzaar ki
intehaa hai ho gyi
Mere har ek safar ki
manzil kahin gyi
Kuch to aisa mile
jo mukammal ho
bhale zindagi ke
chand lamhon mein mile
Toti Hai Neend Mager, Tum Ko Is Say Kia
Toti Hai Neend Mager, Tum Ko Is Say Kia
Bajtay Rahay Hawa’on Say Dar, Tum Ko Is Say Kia
Tum Moj Moj Misal -e- Saba Ghomtay Raho
Kat Jaye Soch Kay Par, Tum Ko Is Say Kia
Ouroon Ka Haath Thamo, Unhay Rasta DekhaO
Koi Bhool Jaye Apna He Ghar, Tum Ko Is Say Kia
Abar -e- Guraiz Pa Ko Barasnay Say Kia Garz
Seppi Main Ban Na Paye Guhar, Tum Ko Is Say Kia
Lay Jaye Maal -e- Ganeemat Kay Sath Ado
Tum Nay Tu Daaal De Hai Saper, Tum Ko Is Say Kia
Tum Nay Tu Thak Kay Dasht Main Kheemay Laga Liye
Tanha Katay Kese Ka Safar, Tum Ko Is Say Kia
Author Unknow
Advertise
Delhi Time
